.png){kind=logo}
இலங்கையின் உள்ளூராட்சி மன்றங்களில் பிரதி முதல்வர் மற்றும் உப தவிசாளர் பதவிகளை வகிக்கும் அரச உத்தியோகத்தர்களுக்கான விடுமுறை விதிகளில் முக்கிய மாற்றங்களை அறிவித்து, அரச நிர்வாகம், மாகாண சபைகள் மற்றும் உள்ளூராட்சி அமைச்சு புதிய சுற்றறிக்கையை வெளியிட்டுள்ளது.
கடந்த ஜூன் 22 ஆம் திகதி அமைச்சரவையில் எடுக்கப்பட்ட தீர்மானத்தின் அடிப்படையில் இந்த புதிய நடைமுறைகள் அறிமுகப்படுத்தப்பட்டுள்ளதாக அமைச்சு தெரிவித்துள்ளது.
புதிய சுற்றறிக்கையின்படி, குறித்த பதவிகளை வகிக்கும் தகுதியுடைய அரச உத்தியோகத்தர்கள் ஒவ்வொரு மாதமும் அதிகபட்சமாக 6 நாட்கள் ஊதியத்துடன் கூடிய விடுமுறையை பெற முடியும். அதேவேளை, பதவியில் இருக்கும் காலப்பகுதியில் தேவையெனில் ஊதியமற்ற விடுமுறையையும் தேர்வு செய்யும் வாய்ப்பு வழங்கப்பட்டுள்ளது.
உள்ளூராட்சி மன்றங்களின் நிர்வாக மற்றும் பொது சேவை பணிகளை திறம்பட மேற்கொள்ளும் வகையில், அரச உத்தியோகத்தர்களுக்கு தேவையான நெகிழ்வுத்தன்மையை வழங்குவதே இந்தத் திருத்தத்தின் பிரதான நோக்கமாக அமைச்சு விளக்கியுள்ளது.
அரசுப் பணியையும், உள்ளூராட்சி மன்றப் பொறுப்புகளையும் சமநிலையுடன் மேற்கொள்ள உதவும் இந்த புதிய விடுமுறை நடைமுறை, உள்ளூராட்சி நிர்வாகத்தின் செயல்திறனை மேம்படுத்தும் முக்கிய நடவடிக்கையாகக் கருதப்படுகிறது.
இந்த சுற்றறிக்கை உடனடியாக அமலுக்கு வந்துள்ளதாகவும், அதற்கான நிர்வாக நடைமுறைகளை அனைத்து தொடர்புடைய அரச நிறுவனங்களும் பின்பற்ற வேண்டும் என்றும் அமைச்சு அறிவுறுத்தியுள்ளது.
கருத்துகள்
கருத்தைப் பதிவிடுக