அனுமதிப்பத்திரமின்றி டீசல் வைத்திருந்த நபர் கைது

அனுமதிப்பத்திரமின்றி 1,820 லீற்றர் டீசலை வைத்திருந்ததுடன் விற்பனை செய்ய முயன்ற குற்றச்சாட்டில் சேருனுவர பகுதியில் ஒருவரை பொலிஸார் கைது செய்துள்ளனர்.

கந்தளாய் பிராந்திய குற்றத்தடுப்பு பிரிவின் அதிகாரிகளுக்கு கிடைத்த தகவலின் அடிப்படையில் மேற்கொள்ளப்பட்ட சோதனையின் போது இந்த கைது நடவடிக்கை மேற்கொள்ளப்பட்டது.

கைது செய்யப்பட்டவர் சேருனுவர பகுதியைச் சேர்ந்த 41 வயதுடைய நபர் என அடையாளம் காணப்பட்டுள்ளார்.

இந்த சம்பவம் தொடர்பான மேலதிக விசாரணைகளை சேருனுவர பொலிஸார் தொடர்ந்து மேற்கொண்டு வருகின்றனர்.