.png){kind=logo}
மத்திய கிழக்கில் தொடரும் மோதல்கள் காரணமாக, அமெரிக்க வெளியுறவுத்துறை உலகெங்கிலும் உள்ள அமெரிக்கர்களுக்கு பயண எச்சரிக்கையை வெளியிட்டுள்ளது.
தனது X சமூக ஊடகப் பக்கத்தில் வெளியிட்ட பதிவில், தற்போதைய சூழ்நிலை காரணமாக அமெரிக்கர்கள், குறிப்பாக மத்திய கிழக்கில் உள்ளவர்கள், மிகுந்த எச்சரிக்கையுடன் இருக்க வேண்டும் என்று தெரிவிக்கப்பட்டுள்ளது.
பாதுகாப்பு ஆலோசனை:
அமெரிக்க வெளியுறவுத்துறை அனைத்து அமெரிக்கர்களையும் அருகிலுள்ள அமெரிக்க தூதரகம் அல்லது துணைத் தூதரகம் வழங்கும் பாதுகாப்பு ஆலோசனைகளின் வழிகாட்டுதல்களைப் பின்பற்றுமாறு வலியுறுத்தியுள்ளது.
அதனைத் தொடர்ந்து, வான்வெளி மூடல்கள் நடைமுறையில் இருக்கலாம் என்றும், மத்திய கிழக்குக்கு வெளியே உள்ள அமெரிக்க தூதரக வசதிகள் குறைவாகக் கிடைக்கலாம் என்றும் எச்சரிக்கை விடுக்கப்பட்டுள்ளது. மேலும், ஈரானை ஆதரிக்கும் குழுக்கள் வெளிநாடுகளில் உள்ள அமெரிக்கர்களுடன் தொடர்புடைய இடங்களை குறிவைக்கக்கூடும் என்றும் தெரிவித்துள்ளனர்.
இதனால் உலகெங்கிலும் உள்ள அமெரிக்கர்கள் மிகுந்த கவனத்துடன், பாதுகாப்பு ஆலோசனைகளை முறையாக பின்பற்ற வேண்டும் என்பது அமெரிக்க வெளியுறவுத்துறையின் முக்கிய செய்தி என கூறப்படுகிறது.
கருத்துகள்
கருத்தைப் பதிவிடுக