எதிர்பாராத வீழ்ச்சி கண்ட தங்கத்தின் விலை நகை வாங்குவோருக்கு முக்கிய தகவல்

சர்வதேச சந்தையில் ஒரு அவுண்ஸ் தங்கத்தின் விலை 4371 டொலராக பதிவாகியுள்ளது. கடந்த சில நாட்களுக்கு முன்பு ஐயாயிரம் டொலர்களைத் தாண்டியிருந்த தங்கத்தின் விலை இன்று (23.03.2026) குறிப்பிடத்தக்க அளவில் குறைந்துள்ளது.

இந்த சரிவின் தாக்கம் இலங்கையிலும் உணரப்பட்டுள்ளது. அதன்படி, இன்றைய தினம் தங்கத்தின் விலை சுமார் 8000 ரூபாவால் குறைந்துள்ளதாக தெரிவிக்கப்படுகிறது.

இலங்கையில் தற்போதைய விலை நிலவரப்படி, 24 கரட் தங்கம் ஒரு பவுண் 370,000 ரூபாயாகவும், 22 கரட் தங்கம் ஒரு பவுண் 340,400 ரூபாயாகவும் விற்பனை செய்யப்படுகிறது. மேலும், 24 கரட் தங்கத்தின் ஒரு கிராம் 46,250 ரூபாயாகவும், 22 கரட் தங்கத்தின் ஒரு கிராம் 42,550 ரூபாயாகவும் காணப்படுகிறது.

மத்திய கிழக்கில் நிலவும் போர் பதற்றத்திற்கிடையில் இவ்வாறு தங்கத்தின் விலை திடீர் சரிவை கண்டுள்ளது. எதிர்காலத்தில் தங்கத்தின் விலை மேலும் மாற்றமடைய வாய்ப்புள்ளதாக சந்தை வட்டாரங்கள் எதிர்பார்க்கின்றன.