தமிழ்நாட்டில் ஜனநாயகன் திரைப்படம் இதுவரை செய்துள்ள வசூல்; வெளியான பாக்ஸ் ஆபிஸ் ரிப்போர்ட்

தளபதி விஜய் நடிப்பில் வெளியான ‘ஜனநாயகன்’ திரைப்படம் திரையரங்குகளில் தொடர்ந்து வசூல் சாதனை படைத்து வருகிறது. இப்படம் வெளியாகி 13 நாட்களை கடந்துள்ள நிலையில், தமிழ்நாட்டில் இதுவரை செய்துள்ள வசூல் தொடர்பான தகவல் வெளியாகியுள்ளது.

இயக்குநர் ஹெச். வினோத் இயக்கத்தில் உருவான இப்படத்தை கே.வி.என் நிறுவனம் தயாரித்துள்ளது. இதில் விஜய்க்கு ஜோடியாக பூஜா ஹெக்டே நடித்துள்ளதுடன், மமிதா பைஜூ, பாபி தியோல், பிரகாஷ் ராஜ் உள்ளிட்ட பலரும் முக்கிய கதாபாத்திரங்களில் நடித்துள்ளனர்.

கடந்த ஜனவரி மாதம் வெளியாகும் என எதிர்பார்க்கப்பட்ட நிலையில், சென்சார் தொடர்பான பிரச்சினைகள் காரணமாக படத்தின் வெளியீடு தள்ளிப்போனது. இதையடுத்து பல்வேறு தடைகளை கடந்து ஜூலை 23ஆம் தேதி இப்படம் உலகம் முழுவதும் திரையரங்குகளில் வெளியானது.

வெளியானது முதல் ரசிகர்கள் மத்தியில் நல்ல வரவேற்பை பெற்று வரும் ‘ஜனநாயகன்’ திரைப்படத்தின் வசூல் தொடர்பான தகவல்கள் தொடர்ந்து வெளியாகி வருகின்றன.

அந்த வகையில், 13 நாட்களை வெற்றிகரமாக நிறைவு செய்துள்ள ‘ஜனநாயகன்’ திரைப்படம் தமிழ்நாட்டில் மட்டும் இதுவரை ரூ.132.5 கோடி வசூல் செய்துள்ளதாக தகவல் வெளியாகியுள்ளது.

இனி வரும் நாட்களில் இப்படத்தின் வசூல் மேலும் அதிகரிக்குமா, தமிழ்நாட்டில் புதிய வசூல் சாதனைகளை படைக்குமா என்பதை பொறுத்திருந்து பார்க்கலாம்.