அமெரிக்காவிடமிருந்து போர்நிறுத்த முன்மொழிவுகள் ஹிஸ்புல்லா வெளியிட்ட முக்கிய அறிவிப்பு

மத்திய கிழக்கு பகுதியில் தொடர்ந்து நீடிக்கும் இஸ்ரேல்–லெபனான் மோதலுக்கு இடையில், அமெரிக்காவிடமிருந்து இரண்டு போர்நிறுத்த முன்மொழிவுகள் கிடைத்துள்ளதாக ஹிஸ்புல்லா அமைப்புக்குச் சொந்தமான தொலைக்காட்சி சேவை செய்தி வெளியிட்டுள்ளது.

அமெரிக்க முன்னாள் ஜனாதிபதி டொனால்ட் ட்ரம்ப் அறிவித்த போர்நிறுத்த முயற்சிகள் குறித்து ஹிஸ்புல்லா அமைப்பு முதன்முறையாக பகிரங்கமாக கருத்து தெரிவித்துள்ளதுடன், முன்வைக்கப்பட்ட ஒரு முன்மொழிவை தற்போது ஆய்வு செய்து வருவதாகவும் கூறியுள்ளது.

ஆரம்பத்தில் அமெரிக்க வெளியுறவுத்துறை அதிகாரிகள் முன்வைத்த ஒரு முன்மொழிவை ஹிஸ்புல்லா நிராகரித்ததாக தகவல்கள் தெரிவிக்கின்றன. அந்த முன்மொழிவில், இரு தரப்பும் தாக்குதலை நிறுத்த வேண்டும் என்பதே முக்கிய அம்சமாக இருந்தது.

அதனைத் தொடர்ந்து, புதியதாக ஒரு விரிவான போர்நிறுத்த முன்மொழிவு முன்வைக்கப்பட்டுள்ளதாகவும், இது 48 முதல் 72 மணி நேரத்திற்குள் நடைமுறைக்கு வரும் வகையில் தெற்கு லெபனான் முழுவதையும் உள்ளடக்கியதாக இருக்கலாம் என்றும் லெபனான் ஊடகங்கள் தெரிவிக்கின்றன.

ஹிஸ்புல்லா அமைப்பு, முழுமையான மற்றும் அனைவரையும் உள்ளடக்கிய போர்நிறுத்தம் ஏற்பட வேண்டும் என்பதில் தங்களது நிலைப்பாடு உறுதியாக இருப்பதாகவும் வலியுறுத்தியுள்ளது.