ஜனநாயகன் ரிலீஸ் முடக்கம்: சென்சார் போர்டுக்கு எதிராக முதல்வர் ஸ்டாலின் காட்டம்!

தமிழக முதல்வர் மு.க. ஸ்டாலின், இந்தப் படத்திற்கு ஆதரவாகவும் மத்திய அரசுக்கு எதிராகவும் தனது எக்ஸ் (X) தளத்தில் பதிவிட்டுள்ள கருத்து தற்போது இணையத்தில் வைரலாகி வருகிறது.

நீதிமன்றத் தடை: சென்சார் சான்றிதழ் (CBFC) வழங்கப்படாதது தொடர்பாகச் சென்னை உயர்நீதிமன்றத்தில் வழக்குத் தொடரப்பட்டது. வழக்கை விசாரித்த நீதிமன்றம், படத்தின் வெளியீட்டுக்கு இடைக்காலத் தடை விதித்ததுடன், அடுத்த விசாரணையை ஜனவரி 21-ஆம் திகதிக்குத் தள்ளிவைத்துள்ளது.

உச்ச நீதிமன்றத்தில் மேல்முறையீடு: பொங்கல் விடுமுறையை முன்னிட்டு படத்தை வெளியிடத் தயாரிப்பாளர் தரப்பு தீவிரமாக முயன்று வருகிறது. எனவே, சென்னை உயர்நீதிமன்ற உத்தரவை எதிர்த்து உச்ச நீதிமன்றத்தில் மேல்முறையீடு செய்யத் தயாரிப்பு நிறுவனம் திட்டமிட்டுள்ளது.

முதல்வர் ஸ்டாலின் பதிவு: "CBI, ED, IT வரிசையில் சென்சார் போர்டும் ஒன்றிய பா.ஜ.க. அரசின் புதிய ஆயுதமாக மாறியுள்ளது. கடுமையான கண்டனங்கள்" என முதல்வர் ஸ்டாலின் தனது பதிவில் மத்திய அரசைச் சாடியுள்ளார்.

ரசிகர்கள் ஏமாற்றம்: பொங்கல் திருநாளில் விஜய்யின் படத்தைக் காணக் காத்திருந்த லட்சக்கணக்கான ரசிகர்கள் இந்தத் தடையால் கடும் அதிருப்தியில் உள்ளனர்.