மே - உழைப்பாளர் தினத்துடன் 'தல' அஜித்தின் -வது பிறந்தநாள்: ரசிகர்கள் உற்சாகக் கொண்டாட்டம்!

இன்று மே 1, உலகெங்கும் உழைப்பாளர் தினம் கொண்டாடப்படும் நிலையில், தமிழ் திரையுலகின் தன்னம்பிக்கை நாயகன் நடிகர் அஜித்குமார் இன்று தனது 55-வது பிறந்தநாளைக் கொண்டாடுகிறார். 1993-ஆம் ஆண்டு 'அமராவதி' படத்தின் மூலம் அறிமுகமான அஜித், கடந்த 33 ஆண்டுகளில் பல சவால்களைக் கடந்து இன்று கோடிக்கணக்கான ரசிகர்களின் இதயங்களில் இடம்பிடித்துள்ளார். திரைத்துறையில் மட்டுமன்றி, கார் பந்தயத்திலும் அதிக ஆர்வம் கொண்ட அவர், சமீபத்தில் பெல்ஜியத்தில் நடைபெற்ற சர்வதேச கார் பந்தயத்தில் இரண்டாம் இடத்தைப் பிடித்து நாட்டிற்குப் பெருமை சேர்த்தார்.

இன்று அவரது பிறந்தநாளை முன்னிட்டு, அவர் நடிப்பில் வெளியான திரைப்படங்களில் அதிக வசூல் செய்த 'டாப் 10' பட்டியலை ரசிகர்கள் கொண்டாடி வருகின்றனர். குறிப்பாக, சமீபத்தில் வெளியான 'குட் பேட் அக்லி' திரைப்படம் 275 கோடி ரூபாய்க்கும் மேல் வசூலித்து முதலிடத்தில் உள்ளது. திரையுலகைச் சேர்ந்த பிரபலங்களும், அரசியல் தலைவர்களும் அஜித்திற்குத் தங்களது வாழ்த்துகளைத் தெரிவித்து வருகின்றனர்.